Շատ հուզիչ տեսանյութ. Նաիր Թիկնիզյանը «Ցրվենա Զվեզդայի» ֆուտբոլիստներին հրաժեշտ տալիս արտասվել է

Ավելի վաղ տեղեկություն էր տարածվել, որ Հայաստանի ազգային հավաքականի և սերբական «Ցրվենա Զվեզդայի» պաշտպան Նաիր Թիկնիզյանը երեկ առավոտյան՝ ժամը 9-ի սահմաններում, Բելգրադից ժամանել է Աթենք՝ ավարտին հասցնելու հունական «Օլիմպիակոս» տեղափոխությունը:

Երեկ՝ օգոստոսի 17-ին, 27-ամյա ֆուտբոլիստը բուժզննում է անցել ու փորձել նոր թիմի մարզաշապիկը, լուսանկարվել ակումբի մարզադաշտում, հայտնում է ինսայդեր Իվան Կարպովը։

Ըստ աղբյուրի՝ տրանսֆերի արժեքը կկազմի 5 մլն եվրո՝ գումարած երկու միլիոն եվրո բոնուսների տեսքով։ Նաիրը նոր թիմի հետ պայմանագիր կկնքի 4+1 տարբերակով։