ՌԴ ԱԳՆ պաշտոնական ներկայացուցիչ Մարիա Զախարովան Եվրոդիպլոմատիայի ղեկավար Կայա Կալլասին համեմատել է «Չեբուրաշկա» մուլտֆիլմի կերպարի՝ պառավ Շապոկլյակի հետ, ով հավատացած էր, որ «լավ գործերով հայտնի…
ՌԴ ԱԳՆ պաշտոնական ներկայացուցիչ Մարիա Զախարովան Եվրոդիպլոմատիայի ղեկավար Կայա Կալլասին համեմատել է «Չեբուրաշկա» մուլտֆիլմի կերպարի՝ պառավ Շապոկլյակի հետ, ով հավատացած էր, որ «լավ գործերով հայտնի դառնալ հնարավոր չէ»։ «KP.RU»-ի հետ զրույցում Զախարովան մեկնաբանել է Կալլասի հայտարարությունն այն մասին, որ պատրաստվում է 2022 թվականից ի վեր ԵՄ-ի «ամենամասշտաբային» պատժամիջոցների փաթեթը Ռուսաստանի դեմ։
«Նույն սկզբունքով էր ապրում նաև Շապոկլյակը. «Ով մարդկանց օգնում է, նա իզուր ժամանակ է ծախսում. լավ գործերով հայտնի դառնալ հնարավոր չէ»», – արձագանքել է Զախարովան։
Մոսկվայում բազմիցս հայտարարել են, որ պատժամիջոցային ճնշումը չի հասել Արևմուտքի սահմանած նպատակներին։ Ռուսաստանի նախագահ Վլադիմիր Պուտինը Ռուսաստանի զսպման և թուլացման քաղաքականությունն անվանել է արևմտյան երկրների երկարաժամկետ ռազմավարություն՝ նշելով, որ պատժամիջոցները լուրջ հարված են հասցրել համաշխարհային տնտեսությանը։ Ռուսական իշխանությունները ընդգծել են, որ սահմանափակումները վնաս են հասցնում առաջին հերթին հենց եվրոպական տնտեսությանը։