ՄԱԿ-ը կոչ է արել բոլոր կողմերին պահպանել միջազգային իրավունքն ու նավագնացության ազատությունը Հորմուզի նեղուցում։ Հայտարարությունն արվել է ԱՄՆ նախագահ Դոնալդ Թրամփի՝ նեղուցն ամերիկյան տարածք հռչակելու մտադրության ֆոնին։
ՄԱԿ-ի գլխավոր քարտուղարի խոսնակ Ստեֆան Դյուժարիկն ընդգծել է նեղուցում և դրա շուրջ միջազգային իրավունքների լիարժեք վերականգնման անհրաժեշտությունը՝ շեշտելով, որ այն պետք է հարգվի բոլորի կողմից։
Ավելի վաղ Նյու Յորքի մերձակայքում գտնվող ոստիկանական ակադեմիայում ելույթի ժամանակ Թրամփը հայտարարել էր, որ ծրագրում է Հորմուզի նեղուցը հայտարարել ԱՄՆ տարածք։