Գիշերը Ռոստովի մարզի ուղղությամբ ԱԹՍ-ների և հրթիռների զանգվածային հարձակում է տեղի ունեցել։ Նահանգապետ Յուրի Սլյուսարի խոսքով՝ ՀՕՊ ուժերը տասնյակ անօդաչուներ են խոցել։
Հարվածների տակ են հայտնվել Չերտկովսկի, Միլերովսկի և Վերխնեդոնսկի շրջանները։ Նախնական տվյալներով՝ տուժածներ չկան։
Միլերովսկի շրջանում վնասվել են էլեկտրահաղորդման գծերը, ինչի հետևանքով 7 բնակավայրի շուրջ 1000 բնակիչ մնացել է առանց հոսանքի։ Դեպքի վայրում աշխատում են արտակարգ ծառայությունները։