ԱԺ նախկին պատգամավոր Արման Աբովյանի ֆեյսբուքյան գրառումը․ «Իրականում ես չգիտեմ, թե ինչ է կատարվում ոչ լեգիտիմ խորհրդարանում, թեև հարգանքով եմ վերաբերվում ընդդիմադիր խմբակցությունների ներկայացուցիչներին և հասկանում եմ, թե որքան դժվար է նրանց այնտեղ։ Անկեղծորեն մաղթում եմ նրանց տոկունություն և քաջություն՝ անցնելու այն ամենի միջով, ինչի միջով նրանք այժմ անցնում են։
Ինձ հիմա շատ ավելի է մտահոգում այն, որ օկուպացված Արցախում թուրք-ադրբեջանական օկուպանտները պղծել են XVI դարի հայկական եկեղեցին։
Իսկ դրանից առաջ նրանք ոչնչացրեցին Ստեփանակերտի Մայր տաճարը, ավելի վաղ՝ Շուշիի Կանաչ եկեղեցին, և բառացիորեն աղավաղեցին Ղազանչեցոց եկեղեցու տեսքը։ Իսկ դրանից առաջ սկսեցին Դադիվանքի և Գանձասարի վանական համալիրների հայկական պատմական հետքի ոչնչացման գործընթացը։
Եվ ես գիտեմ, որ այս տեղեկությունը մեզ համար շատ ավելի կարևոր է, քան այն, ինչ հիմա տեղի է ունենում Հայաստանի քաղաքական։
Սրա մասին է պետք մտածել… եթե, իհարկե, մեր ուղեղները դեռ վերջնականապես չի խժռել թավշյա բորոտը»։