Հանրապետութեան նախագահ Ժոզեֆ Աուն ընդունեց Հայաստանի մէջ Լիբանանի դեսպան Տիմա Հատտատը եւ անոր հետ քննարկեց Լիբանանի եւ Հայաստանի միջեւ յարաբերութիւնները եւ զանոնք ամրապնդելու միջոցները: Քննարկուեցաւ նաեւ Հայաստան բնակող լիբանանցիներու դերակատարութիւնն ու նպաստը երկու երկիրներուն միջեւ կապերը հզօրացնելու առումով:
Հանրապետութեան նախագահը դեսպան Տիմա Հատտատի հետ արծարծեց նաեւ Հայաստանի նախագահ Վահագն Խաչատուրեանի կողմէ յղուած հրաւէրին ընդառաջելու հարցը` մասնակցելու 16 հոկտեմբերին Երեւանի մէջ տեղի ունենալիք երկիրներու ղեկավարներու վեհաժողովին, որ պիտի կայանայ ՄԱԿ-ի կենսաբազմազանութեան վերաբերեալ վեհաժողովի նախօրեակին: