Վարչապետ Նիկոլ Փաշինյանը Արմավիրի մարզի Արաքս համայնքի Ջրառատ բնակավայրում այցելել է «Սասունցի Դավիթ» ընկերության ձկնաբուծարան, որն իրացման ու արտահանման խնդիրներ ներկայումս չունի, հայտնում է կառավարության մամուլի ծառայությունը։
Ըստ հաղորդագրության՝ ընկերությունը համագործակցում է Petrossian աշխարհահռչակ գործարանի հետ, տնտեսությունում ներդրված է ջրախնայող համակարգ և HACCP որակի համակարգ։
Նշվում է, որ Փաշինյանը կարևորել է կառավարության աջակցությամբ ոլորտում ժամանակակից ստանդարտների ու տեխնոլոգիաների ներդրումն ու արտադրության որակի բարձրացումը:
