Մարոկկոյից մինչև 40 հազար մարդ կարող էր անօրինական կերպով ներթափանցել Իսպանիայի Սեուտա ինքնավար քաղաք։ Այդ մասին հայտնել է El Confidencial թերթը՝ հղում անելով Իսպանիայի քաղաքացիական գվարդիայի գնահատականներին։
Հրատարակության տվյալներով՝ միգրանտները շարունակել են ժամանել Սեուտա նաև գիշերվա ընթացքում։
Նշվում է նաև, որ վերջին շաբաթվա ընթացքում Մարոկկոյից ավելի քան 1,5 հազար միգրանտ լողալով հասել է Սեուտա, ինչի հետևանքով առնվազն 18 մարդ է զոհվել:
Այսօր Սեուտա պետք է այցելի Իսպանիայի կառավարության նախագահ Պեդրո Սանչեսը՝ ներքին գործերի նախարար Ֆեռնանդո Գրանդե-Մարլասկայի հետ համատեղ։
Ճգնաժամի ֆոնին Իսպանիայի իշխանությունները որոշել են ներգրավել զինվորականներին՝ բնակավայրում անվտանգության ապահովմանը օգնելու համար։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: