Իսրայելի վարչապետ Բենիամին Նեթանյահուն և ԱՄՆ փոխնախագահ Ջեյ Դի Վենսը Վաշինգտոնում կայացած առանձնազրույցի ընթացքում «ուղղակի և անկեղծ» զրույց են ունեցել երկկողմ տարաձայնությունների շուրջ, հայտնում է Axios-ը՝ վկայակոչելով իսրայելցի և ամերիկացի պաշտոնյաներին։
Ըստ պարբերականի՝ պատերազմի ընթացքում Վենսը դարձել էր Թրամփի մերձավոր շրջապատի առավել թերահավատ գործիչը Նեթանյահուի նկատմամբ՝ բացահայտորեն քննադատելով նրան Իրանի հետ կնքված հուշագրին դիմակայելու և ԱՄՆ նախագահի հանդեպ անբավարար հավատարմության համար։
Իր հերթին իսրայելական կողմը դժգոհ էր Վենսի քննադատությունից, մինչդեռ ամերիկյան կողմում մտավախություն կար, թե Նեթանյահուն ԱՄՆ-ում և Իսրայելում իր դաշնակիցների միջոցով քաղաքական արշավ է վարում փոխնախագահի դեմ։
Չնայած լարվածությանը՝ Բլեր Հաուսում կայացած հանդիպման մասնակիցները, ըստ ամերիկյան կողմի պաշտոնական արձագանքի, անցկացրել են «ջերմ ու արդյունավետ զրույց»՝ պայմանավորվելով շարունակել համագործակցությունը փոխադարձ հետաքրքրություն ներկայացնող հարցերի շուրջ։