«Այս ամենը պայմանավորված է քաղաքական գործոնով․ փաստորեն քաղաքական գործունեությամբ զբաղվող մարդկանց արգելվում է քաղաքականությամբ զբաղվել»,- լրագրողների հետ զրույցում ասաց ԱԺ 9-րդ գումարման պատգամավոր Նարեկ Կարապետյանը՝ անդրադառնալով այսօր իր առանձնատանը կատարված խուզարկությանը։ «Ուզում է ասել, որ մարդ քաղաքականությամբ չզբաղվի, բացի իմ կողմից նշանակված սատելիտների։ Բայց այդպես չի կարող լինել, մենք պետք է մեր երկրում քաղաքականությամբ զբաղվենք, որովհետև ինքը սխալ ճանապարհով է տանում»,- ասաց Կարապետյանը՝ նշելով, որ տանից ոչ մի բան չեն առգրավել։