ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում գրառում է կատարել՝ հայտնելով, որ ավարտում է աշխատանքը վարչապետի աշխատակազմում և այսուհետ հանդես է գալու որպես պատգաավոր:
«Սիրելի հայրենակիցներ, ավելի քան 5 տարի տևած աշխատանքից հետո ավարտում եմ աշխատանքս Հայաստանի Հանրապետության վարչապետի աշխատակազմում։
Շնորհակալություն եմ հայտնում Հայաստանի Հանրապետության մեծարգո վարչապետ Նիկոլ Փաշինյանին՝ պատասխանատու պաշտոնում բարձր վստահության ու ընձեռած հնարավորության համար։
Ինչպես նաև շնորհակալություն եմ հայտնում պետական կառավարման համակարգի գործընկերներիս կառուցողական աշխատանքի ու փոխվստահության վրա հիմնված համագործակցության համար։
Վարչապետի աշխատակազմում 5 և ավելի տարիների ընթացքում ձեռք բերած փորձառությունս այսուհետև որպես Ազգային Ժողովի պատգամավոր կօգտագործեմ ի նպաստ Հայաստանի Հանրապետության ու հայ ժողովրդի։
Կհանդիպենք նորընտիր Ազգային Ժողովում»,- գրել է Չախոյանը:
Մի մոռացեք կիսվել Ձեր ընկերների հետ