Հնագետները Երուսաղեմում հայտնաբերել են այրված փայտե գերաններ, որոնք վերաբերում են Առաջին տաճարի ժամանակաշրջանին։ Գտածոն հայտնաբերվել է Դավթի քաղաքում՝ քաղաքի ամենահին թաղամասերից մեկում իրականացվող պեղումների ընթացքում։
««Դավթի քաղաք» ազգային պարկի տարածքում կատարվել է ուշագրավ հայտնագործություն՝ խոշոր փայտե գերաններ, որոնք այրվել են մ.թ.ա. 586 թվականին Առաջին տաճարի ավերման ժամանակ», – հայտնել են Իսրայելի հնությունների վարչությունից։
Հետազոտողները հրդեհը կապում են բաբելոնյան զորքերի կողմից Երուսաղեմի և Սողոմոնի տաճարի ավերման հետ։ Չնայած կրակի ազդեցությանը և անցած դարերին՝ փայտանյութը պահպանել է հարաբերական ամբողջականությունը։