«Cockroach Janta Party» ուսանողական բողոքի շարժումը համաձայնության է եկել Հնդկաստանի կառավարության հետ՝ կոչ անելով դադարեցնել քննական նյութերի արտահոսքի պատճառով սկսված ակցիաները։ Շարժման ներկայացուցիչ Աշուտոշ Ռանկան հայտարարել է, որ իշխանություններն ընդունել են իրենց բոլոր պահանջները, ուստի ցուցարարները պետք է խաղաղ հեռանան տուն։
Առողջապահության նախարար Ջագաթ Պրակաշ Նադդան հավաստիացրել է, որ ոչ մի պատժիչ գործողություն չի կիրառվի, իսկ արտահոսքի սկանդալի պատճառով ինքնասպան եղած ուսանողների ընտանիքներին կտրամադրվի օրենքով սահմանված առավելագույն փոխհատուցումը։
Բողոքի ալիքը բարձրացել էր բժշկական քննությունների թեստերի արտահոսքի պատճառով, որին մասնակցում էր ավելի քան 2,2 մլն երիտասարդ երկրի 550 քաղաքներում։ Նյու Դելիում բախումների ժամանակ տուժել է 130 իրավապահ և առնվազն 65 ուսանող, գրանցվել է իրավախախտման 15 դիմում։ Ցուցարարների գլխավոր պահանջն արդեն կատարվել է. շաբաթ օրը կրթության նախարար Դհարմենդրա Պրադհանը հրաժարականի դիմում է ներկայացրել։