ՌԴ արտաքին գործերի նախարար Սերգեյ Լավրովը և ԱՄՆ պետքարտուղար Մարկո Ռուբիոն հանդիպել են Ֆիլիպինների մայրաքաղաք Մանիլայում։ Հանդիպումը տևել է 35 րոպե, հաղորդում է ТАСС-ը։
Լրատվամիջոցի դիվանագիտական աղբյուրների հաղորդմամբ՝ Սերգեյ Լավրովի և Մարկո Ռուբիոյի հանդիպման նախաձեռնողը եղել է ամերիկյան կողմը։ Բացի ԱՄՆ պետքարտուղարից, հանդիպմանը ներկա են եղել նաև Հնդկաստանում ԱՄՆ դեսպան Սերջիո Գորը և ԱՄՆ պետքարտուղարի քաղաքական հարցերով տեղակալ Էլիսոն Հուքերը։
Նախօրեին Լավրովը վստահություն էր հայտնել, որ հանդիպումն ամեն դեպքում օգտակար կլինի, և հայտնել էր, որ Ռուբիոյին կհարցնի, թե ներկայումս ԱՄՆ-ն ինչ դիրքորոշում ունի ուկրաինական կարգավորման հարցում։