Բրիտանական Ravenair ավիաընկերության օդաչուն, ինքնաթիռի մասը փոխարինելուց հետո փորձնական թռիչք կատարելիս, որոշել է կիսվել իր զգացմունքներով։
Flightradar-ի տվյալների համաձայն՝ երկնքում միապաղաղ պտտվելու փոխարեն նա «գրել է» «ես ձանձրացել եմ» արտահայտությունը։
Թռիչքը տևել է մոտ 2.5 ժամ, և օդաչուն մոտ 20 րոպե է ծախսել հաղորդագրությունը գրելու վրա։
Ravenair-ի գլխավոր օպերացիոն տնօրեն Ուեյն Բարեթի խոսքով՝ ավիաընկերությունը որևէ խախտում չի հայտնաբերել. ինքնաթիռը անվտանգ վերադարձել է անգար, իսկ օդաչուն փորձնական թռիչքից հետո ստացել է արժանի արձակուրդ։
Ավելին, Բարեթը BBC-ին տված հարցազրույցում նույնիսկ գովաբանել է օդաչուին՝ նշելով, որ նման մանևրը պահանջում է բարձր ճշգրտություն և կենտրոնացում։