ԱՄՆ նախագահ Դոնալդ Թրամփը նախապես հաստատել է Սաուդյան Արաբիայի ռազմական գործողությունը Սանայում գտնվող հութիների կողմից վերահսկվող օդանավակայանի դեմ, հաղորդում է Axios-ը՝ հղում անելով ԱՄՆ պաշտոնյաներին։
Հրապարակման համաձայն՝ հարվածի նպատակն էր ոչնչացնել ինքնաթիռը, որը, ենթադրաբար, տեղափոխում էր եմենյան շիական «Անսար Ալլահ» շարժման ղեկավարությանը, նախքան այն օդանավակայան ժամանելը։
Axios-ը հաղորդում է, որ Ռիադը Վաշինգտոնից աջակցություն է խնդրել նախքան գործողության սկսվելը։ Հեռախոսազրույցի ժամանակ Թրամփը հավանություն է տվել նախատեսված գործողություններին, որից հետո սաուդցիները հարվածել են օբյեկտին։
Հրապարակումը նշում է, որ գործողությունը Իրանի կողմից աջակցվող հութիների դեմ ԱՄՆ-Սաուդյան Արաբիա համատեղ ամենաանսովոր նախաձեռնություններից մեկն էր։
Հարձակումից հետո «Անսար Ալլահ» քաղբյուրոյի խոսնակ Մոհամմեդ ալ-Ֆարահը հայտարարել է, որ Վաշինգտոնը Սաուդյան Արաբիային մղում է հութիների հետ ուղղակի զինված բախման։