Անցած ժամվա լուրերը՝ հակիրճ և բովանդակային.
· «Երևանի Արարատ» կոնյակի-գինու-օղու կոմբինատի աշխատակիցները պահանջում են բացել մեկ շաբաթից փակ գործարանը և վերականգնել բնականոն աշխատանքը։
· «Մուլտի Սթոուն» գործարանի աշխատակիցները, արդյունք չտված բողոքից հետո, շարժվում են դեպի Երևան–Սևան ավտոմայրուղի՝ այն փակելու նպատակով։
· Վանաձորի Հրանտ Մաթևոսյանի անվան այգում հայտնաբերված խախտումների հետևանքով համայնքապետարանին առաջարկվել է խզել վարձակալության պայմանագրերը, որոնցից երկուսն արդեն դադարեցվել են։
· Իլհամ Ալիևը հայտարարել է, որ Ժոզեպ Բորելի պաշտոնից հեռանալուց հետո Ադրբեջանի և Եվրոպական հանձնաժողովի հարաբերությունները սկսել են բարելավվել։
· Ադրբեջանի նախագահը կրկին կոչ է արել ԱՄՆ-ին ամբողջությամբ վերացնել Ադրբեջանի նկատմամբ կիրառվող 907-րդ ուղղումը։
· Հորմուզի նեղուցով առևտրային նավերի երթևեկությունը կտրուկ նվազել է Իրանի հայտարարությունից հետո, իսկ մի շարք նավեր անցել են առանց տեղորոշման ազդանշանի։
· Ուկրաինայի վարչապետ Յուլյա Սվիրիդենկոն, ըստ աղբյուրների, հրաժարականից հետո կնշանակվի ԱՄՆ-ում դեսպան։
· Իլհամ Ալիևը հայտարարել է, որ Ադրբեջանը շարունակելու է աջակցել Ուկրաինայի ինքնիշխանությանը և չհաշտվել օկուպացիայի հետ։
· Վրաստանի վարչապետ Իրակլի Կոբախիձեն քննադատել է ԵՄ ներկայացուցիչ Կայա Կալլասին՝ նրան մեղադրելով Վրաստանի ինքնիշխանությունը չհարգելու մեջ։
· Ֆրանսիան հայտարարել է, որ Իրանի նկատմամբ պատժամիջոցների մեղմացում չի լինի, քանի դեռ Թեհրանը չի հրաժարվել իր միջուկային ծրագրից։
· Օդերևութաբանները կանխատեսում են, որ մինչև հուլիսի 15-ը Հայաստանում կպահպանվի շոգ եղանակը, իսկ հուլիսի 16-ից ջերմաստիճանը կնվազի 4–5 աստիճանով։