Շիրակի մարզպետ Դավիթ Առուշանյանը հայտարարել է մանդատից հրաժարվելու և որպես մարզպետ պաշտոնավարումը շարունակելու մասին։
Նա շնորհակալություն է հայտնել Շիրակի մարզի բոլոր բնակիչներին ՝աջակցության և համագործակցության համար։ Նրանց վստահությունը համարելով ամենամեծ պատասխանատվությունը՝ արդարացնելու սպասումները։
Հիշեցնենք՝ 2025-ի դեկտեմբերին «Ժողովուրդ» օրաթերթը հայտնել էր, որ Կառավարությանը մոտ կանգնած իր աղբյուրներից տեղեկացել է՝ Շիրակի մարզպետ Դավիթ Առուշանյանին հորդորել են ազատման դիմում ներկայացնել։
Ըստ աղբյուրների՝ դեկտեմբերի 16-ին, ՔՊ-ի վարչության նիստի ժամանակ, որոշում է կայացվել նրան այդ պաշտոնից հեռացնելու մասին. Առուշանյանը չի արդարացրել ՔՊ-ի հույսերը:
Սակայն, այսօր, ընտրություններից հետո, նա հայտարարեց, որ Խորհրդարան չի գնա, այլ կշարունակի պաշտոնավարել։ Փաստորեն, Դավիթ Առուշանյանը ընտրությունների ժամանակ ջանք ու եռանդ չի խնայել՝ ՔՊ հույսերը արդարացնելու համար։