Թուրքիան, ամենայն հավանականությամբ, ավարտել է ռուսական Ս-400 զենիթահրթիռային համակարգերի վաճառքի գործարքը երրորդ երկրի:
Ըստ թուրքական կառավարամետ Hürriyet-ի լրագրողի տվյալների՝ համակարգերը կուղարկվեն Պարսից ծոցի երկրներից մեկին՝ Արաբական Միացյալ Էմիրություններ կամ Կատար:
Այս քայլը դիտարկվում է որպես ԱՄՆ-ի կողմից սահմանված CAATSA պատժամիջոցների չեղարկման և F-35 կործանիչների ծրագրին վերադառնալու հնարավորություն:
Ինչպես նշում է Hürriyet-ը, գործընթացը պահանջում է ԱՄՆ նախագահի կողմից Կոնգրեսին համապատասխան ծանուցում՝ հավաստելով, որ համակարգերն այլևս չեն գտնվում շահագործման մեջ, ինչի շուրջ վերջին օրերին ինտենսիվ աշխատանքներ են տարվել: