Անցած ժամվա լուրերը՝ հակիրճ և բովանդակային.
• Էկոնոմիկայի նախարար Գևորգ Պապոյանը հայտնել է, որ հուլիսի 1-ի դրությամբ էլեկտրոմոբիլների ներմուծման քվոտայից ֆիզիկական անձանց համար մնացել է 3,198, իսկ դիլերների համար՝ 1,523 մեքենայի հնարավորություն։
• Կառավարությունը հաստատել է Հայկական ԱԷԿ-ի 2-րդ էներգաբլոկի շահագործման ժամկետի կրկնակի երկարաձգման ծրագրի համար 20,1 մլրդ դրամ բյուջետային վարկի տրամադրման պայմանները։
• Հայաստանը Լիբանանին է փոխանցել շուրջ 80 տոննա մարդասիրական օգնություն՝ սննդամթերք, դեղորայք և առաջին անհրաժեշտության ապրանքներ հասցնելով ցամաքային ճանապարհով Թուրքիայի տարածքով։
• ՀՅԴ Բյուրոն հայտարարել է, որ խորհրդարանական ընտրություններն անցկացվել են վարչական ռեսուրսների կիրառմամբ, խոսել է հետընտրական քաղաքական ճգնաժամի խորացման մասին և կոչ արել ազգային ուժերի համախմբման։
• Իրաքում Ալի Խամենեիի հրաժեշտի արարողություններին, պաշտոնական տվյալներով, մասնակցել է ավելի քան 10 միլիոն ուխտավոր։
• Լրատվամիջոցների փոխանցմամբ՝ Իրանը նոր հրթիռային հարվածներ է հասցրել Մերձավոր Արևելքում ամերիկյան ռազմական օբյեկտներին՝ թիրախավորելով նաև Հորդանանում, Բահրեյնում, Քուվեյթում և Կատարում գտնվող ենթակառուցվածքները։
• Ռուսաստանը ներքին վառելիքային դեֆիցիտը լրացնելու նպատակով պատմական ծավալներով ավելացրել է Բելառուսից բենզինի և դիզելային վառելիքի ներկրումը, ինչպես նաև սկսել է գնումներ կատարել Հնդկաստանից։
• «Կոպեռնիկոս» ծառայության տվյալներով՝ 2026 թվականի հունիսը դարձել է Արևմտյան Եվրոպայի պատմության ամենաշոգ հունիսը, իսկ օվկիանոսի մակերևույթի միջին ջերմաստիճանը նույնպես հասել է ռեկորդային մակարդակի։