Անհայտ անձը հուլիսի 7-ի լույս 8-ի գիշերը ներխուժել է Ստամբուլի Սկյուտար թաղամասում գտնվող հայկական Սուրբ Կարապետ եկեղեցու գերեզմանատան տարածք և վնասել վեց դամբարան ու աղբյուր։
Պատրիարքարանի հաղորդագրության համաձայն՝ դեպքը խորապես վիրավորել է համայնքի ներկայացուցիչներին, հատկապես նրանց, որոնց հարազատների շիրիմները գտնվում են այդ գերեզմանատանը։
Թաղային խորհուրդն անմիջապես դիմել է համապատասխան մարմիններին, որոնք սկսել են իրավական գործընթացներ՝ դեպքի հանգամանքները պարզելու, հանցագործի ինքնությունը բացահայտելու և նրան պատասխանատվության ենթարկելու համար։
Պոլսո Հայոց պատրիարքարանը դատապարտել է սրբազան արժեքների և հանգստավայրերի դեմ իրականացված գործողությունը՝ նշելով, որ հետևում է դեպքերի հետագա ընթացքին։
Այս մասին հայտնում է «Արմենպրես»-ը՝ հղում անելով Պոլսո Հայոց պատրիարքարանին։