Ադրբեջանի զինված ուժերը սկսել են լայնածավալ օպերատիվ զորավարժություններ։ Այս մասին հայտնում է երկրի պաշտպանության նախարարությունը։
Ցամաքային զորքերի մասնակցությամբ անցկացվող զորավարժություններին ներգրավված են հատուկ նշանակության ստորաբաժանումներ, մոտոհրաձգային, մեխանիզացված և հրետանային բրիգադներ, ապահովման ստորաբաժանումներ, ինչպես նաև զորահավաքային հավաքներին մասնակցող պահեստազորայիններ։
Զորավարժությունների շրջանակում անցկացվել են մարտական հրաձգությամբ մարտավարական, մարտավարահատուկ վարժանքներ և կրակային փորձարկումներ։ Կիրառվել են անօդաչու թռչող սարքեր (ԱԹՍ), ռադիոէլեկտրոնային պայքարի և ռադիոտեխնիկական հետախուզության միջոցներ, ինչպես նաև բարձր ճշգրտության սպառազինության համակարգեր։