ԱՄՆ-ը հարվածներ է հասցրել Իրանի Բուշերի նահանգի երկու ռազմական բազաների։
Նահանգապետի տեղակալ Էհսան Ջահանիանի տեղեկացմամբ՝ առավոտյան ամերիկյան արկերով խոցվել են Դաշտեստանի շրջանի ռազմական օբյեկտը և Բուշերի արվարձան Չեգադեկի շրջանում գտնվող բազան։
Նախնական տվյալներով՝ զոհեր և վիրավորներ չկան։ Հարձակման հետևանքների վերաբերյալ տեղեկությունները ճշտվում են։
Միաժամանակ համացանցում տարածվում են Բուշերից տեսանյութեր, ինչպես նաև պնդումներ, թե Հորմուջի շրջանում Իրանի հակաօդային պաշտպանության ուժերը խոցել են ամերիկյան «ՄՔ-9» անօդաչու թռչող սարք։