Իրանի արտաքին գործերի նախարարությունը կոշտ հայտարարությամբ է հանդես եկել՝ դատապարտելով Վաշինգտոնի որոշումը՝ վերականգնել Իրանի նավթի վաճառքի նկատմամբ սահմանափակումները։
Իրանական կողմը պնդում է, որ այս քայլը հանդիսանում է Իսլամաբադի հուշագրի՝ կողմերի միջև կնքված հրադադարի մասին համաձայնագրի 15-րդ հոդվածի «կոպիտ խախտում»։
Թեհրանի գնահատմամբ՝ համաձայնագրի ստորագրումից ընդամենը 20 օր անց ԱՄՆ-ի կողմից նման քայլի գնալը վկայում է Վաշինգտոնի անվստահելիության և ստանձնած պարտավորությունները չկատարելու մասին։
Իրանի ԱԳՆ-ն ընդգծել է, որ Իրանը հանդես է եկել «բարեխղճորեն» և ձեռնարկել է բոլոր հնարավոր միջոցները՝ հուշագրի դրույթները պահպանելու համար։ Միաժամանակ, նախարարությունը Վաշինգտոնին մեղադրել է համաձայնագիրը պարբերաբար խախտելու և դրանք տարբեր պատրվակներով արդարացնելու մեջ։