Ռուսաստանի վարչապետ Միխայիլ Միշուստինը երկուշաբթի օրը Եկատերինբուրգում բանակցություններ կվարի Նիկոլ Փաշինյանի հետ։ Այս մասին հայտնում է Ռուսաստանի կառավարության մամուլի ծառայությունը։
Երկուշաբթի օրը Ռուսաստանի և Հայաստանի վարչապետները Սվերդլովսկի մարզի մայրաքաղաքում կմասնակցեն «Իննոպրոմ» 16-րդ միջազգային արդյունաբերական ցուցահանդեսին։
Այս ուղևորությունը Փաշինյանի առաջին այցն է Ռուսաստան Հայաստանում կայացած խորհրդարանական ընտրություններից հետո։ Այցի ընթացքում կառավարությունների ղեկավարները կքննարկեն երկկողմ համագործակցության արդիական հարցեր և կմասնակցեն ցուցահանդեսի միջոցառումներին։