Ռուսաստանը ավիառումբերով հարվածել է Սումիի կենտրոնին: Տեղական իշխանությունների փոխանցմամբ՝ Սումիի կենտրոնական փողոցներից մեկին ռուսական ավիառումբի հարվածելու պատճառով առնվազն երեք մարդ է զոհվել։
Ռուսաստանը նվազագույնը 6 ավիառումբ է նետել Սումիի կենտրոնի ուղղությամբ։ Արձանագրվել են հարվածներ բնակելի թաղամասին ու քաղաքացիական ենթակառուցվածքներին, ինչի հետևանքով վնասներ են կրել մոտ 15 մասնավոր տներ։
«Հարվածի էպիկենտրոնում բազմաբնակարան շենք է, խանութ և ճանապարհ։ Տեղում շատ մարդիկ կային։ Երեխաներ», — հայտնել է Սումիի մարզային ռազմական վարչակազմի ղեկավար Օլեգ Գրիգորովը։
Մարզային ռազմական վարչակազմի ղեկավարի ներկայացրած տվյալներով՝ 79-ամյա կինը ծանր վիրավորում է ստացել և տեղում մահացել։ Բացի այդ, 13-ամյա երեխան գտնվում է ծանր վիճակում։
Հաղորդվում է, որ ավիառումբի հարվածի հետևանքով 27 մարդ է տուժել, այդ թվում՝ յոթ երեխա, կան նաև զոհեր, որոնց թվում երեխա: