Ռուսաստանը Ադրբեջանի տարածքով տարանցմամբ Հայաստան է արտահանել հացահատիկի հերթական խմբաքանակը։ Այս մասին հաղորդում է «ԱզերԹաջ» պետական լրատվական գործակալությունը։
Ըստ գործակալության տվյալների՝ Հայաստան ուղարկված բեռը կազմում է 976 տոննա ցորեն։
Նշվում է, որ սա ռուսական հացահատիկի արդեն երկրորդ խմբաքանակն է վերջին օրերին։ Նախորդ անգամ՝ հունիսի 28-ին, Ադրբեջանի տարածքով Հայաստան էր տեղափոխվել 770 տոննա ռուսական ցորեն։