Անցած ժամվա լուրերը՝ հակիրճ և բովանդակային.
• «Մայր Հայաստան» շարժման վարչության անդամ Երվանդ Բոզոյանը հրավիրվել է հարցաքննության՝ իր բնակարանում իրականացված խուզարկությունից հետո։
• Հակակոռուպցիոն դատարանը մեկ ամսով երկարաձգել է ՀՀԿ փոխնախագահ Արմեն Աշոտյանի կալանքը։
• Կառավարությունը հուլիսին շարունակելու և ընդլայնելու է արտահանման աջակցության ծրագիրը՝ փոխհատուցում տրամադրելով նաև նոր ապրանքատեսակների արտահանողներին։
• Գյումրիում քննարկվում են քաղաքական նոր զարգացումներ, որոնց արդյունքում քաղաքը կարող է ունենալ առաջին կին քաղաքապետի պաշտոնակատար։
• Այսօր Հայաստանում սպասվում է ամենաբարձր ջերմաստիճանը, իսկ երեկոյան հանրապետություն կներթափանցեն ավելի սառը օդային հոսանքներ։
• Նյու Յորքում ծայրահեղ շոգի հետևանքով ասֆալտը սկսել է հալվել, իսկ օդի ջերմաստիճանը կարող է հասնել մինչև +44°C-ի։
• Դոնալդ Թրամփը հայտարարել է, որ ԱՄՆ-ն Իրանի հետ բանակցություններում գրեթե հասել է իր հիմնական նպատակներին և չի ցանկանում նոր պատերազմ։
• The New York Times-ի տվյալներով՝ ԱՄՆ-ն մտահոգված էր, որ Իսրայելը կարող էր թիրախավորել Իրանի բարձրաստիճան բանակցողներին բանակցությունների ընթացքում։
• Եվրոպական հանձնաժողովը սեպտեմբերին կարող է ներկայացնել նախաձեռնություն, որը կսահմանափակի երեխաների մուտքը սոցիալական ցանցեր ամբողջ ԵՄ-ում։