Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ-ի Ֆլորիդա նահանգում Walmart խանութի կայանատեղիում տեղի ունեցած վիճաբանությունն ավարտվել է ողբերգությամբ. կինը կրակել և սպանել է տղամարդու։ Այս մասին հայտնել է Բրովարդ շրջանի շերիֆի գրասենյակը, հաղորդում է Past.am-ը՝ հղում անելով KP.RU-ին։
Դեպքը տեղի է ունեցել Ֆորտ Լոդերդեյլի շրջանում։ Ոստիկանության աշխատակիցները դեպքի վայրում հայտնաբերել են 62-ամյա Բարտ ԴիԳուգլիելմոյին՝ հրազենային վնասվածքով։ Նրան տեղափոխել են հիվանդանոց, սակայն բժիշկներին չի հաջողվել փրկել նրա կյանքը։
Իրավապահների տվյալներով՝ զոհը ԱՄՆ բանակի վետերան էր։ Կրակ արձակած կինը հայտարարել է, որ գործել է ինքնապաշտպանության նպատակով։
Ամերիկյան լրատվամիջոցներում և սոցիալական ցանցերում տարածված տեսանյութում երևում է, թե ինչպես է տղամարդը մոտենում խանութի մոտ գտնվող միակ ազատ կայանատեղիում կանգնած կնոջը, որից հետո վերջինս կրակում է նրա ուղղությամբ։
Դեպքի բոլոր հանգամանքները պարզելու նպատակով ոստիկանությունը շարունակում է հետաքննությունը։
Հետևեք մեզ՝ այստեղ