ԱՄՆ-ի Փենսիլվանիա նահանգում վտանգավոր նյութեր տեղափոխող բեռնատար գնացքը դուրս է եկել ռելսերից։ Այդ մասին հայտնում է CBC News-ը՝ հղում անելով պաշտոնական աղբյուրներին։
Նախնական տվյալներով՝ գնացքի 72 վագոններից ռելսերից դուրս է եկել 16-ը։ Դրանցից երկուսը տեղափոխել են վտանգավոր նյութեր, սակայն արտահոսք չի արձանագրվել, և բնակչության համար վտանգ չի առաջացել։
Պաշտոնյաների փոխանցմամբ՝ վթարի հետևանքով տուժածներ չկան։ Դեպքի պատճառները դեռևս պարզվում են։
Իշխանությունները բնակիչներին կոչ են արել չմոտենալ վթարի վայրին, մինչ արտակարգ ծառայությունները շարունակում են աշխատանքները։