Ադրբեջանական կողմը 2020 թվականի նոյեմբերից ի վեր Հայաստանին է վերադարձրել ռազմական գործողությունների վայրերում գտնված ավելի քան 2 հազար հայ զինծառայողի մարմին։
Այս մասին հայտնում է Haqqin.az-ը։ Տվյալները հրապարակել է Ադրբեջանի արտաքին գործերի նախարարի տեղակալ Էլնուր Մամեդովը՝ ելույթ ունենալով «Անհայտ կորածների հիմնախնդրի լուծմանն ուղղված ժամանակակից մոտեցումները և համագործակցության ամրապնդումը» խորագրով միջազգային համաժողովում։
Այն կազմակերպվել է Անհայտ կորածների հարցերով միջազգային հանձնաժողովի հետ գործակցությամբ, հաղորդում է Տրենդը։
Փոխնախարարի փոխանցմամբ՝ ադրբեջանցի զինվորականները նշված որոնողական աշխատանքները կատարել են ականների մեծ վտանգի պայմաններում և բարդ եղանակային իրավիճակում։