«Պնդում եք, որ ընտրական գործընթացների ժամանակ հրապարակված գաղտնալսումները բացասաբար են ազդել ընտրությունների արդյունքների վրա: Երեք ուժերին խնդրում եմ պարզաբանել, թե ընտրություններից շատ առաջ ՌԴ նախագահի և բարձրաստիճան պաշտոնյաների խոսքը, որոնք պաշտպանության տակ էին առնում երեք ուժերին, որևէ ազդեցություն կարո՞ղ էր ունենալ ընտրողների ազատ կամքի ձևավորման վրա»,- ՍԴ նիստի ժամանակ ասաց դատավոր Սեդա Սաֆարյանը: ԲՀԿ ներկայացուցիչ Արամ Օրբելյանն արձագանքեց. «Խնդրում եմ այսուհետ երեք ուժերի նույնացման գործընթացը դադարեցնել, դա տեղավորվում է քաղաքական ուժերից՝ երրորդ անձի քաղաքական պնդումների լույսի ներքո, հակառակ դեպքում խնդրելու եմ դատավորներից որևէ մեկին քննարկել տիկին Սաֆարյանի մասնակցության հնարավորությունը»: