ՌԴ նախագահ Վլադիմիր Պուտինը Պավել Զարուբինին տված հարցազրույցում խոստովանել է, որ Ռուսաստանում «մենք հիմա նկատում ենք որոշակի դեֆիցիտ» վառելիքի գծով, թեև «ոչ կրիտիկական»։
Նա դա կապել է ռուսական նավթային գործարանների վրա ուկրաինական անօդաչուների հարձակումների հետ՝ հայտարարելով, որ Ուկրաինայի զինված ուժերի հարվածները «խնդիրներ են ստեղծում, դա ակնհայտ է» և որ «վնաս կա»։
Ղրիմում և Սևաստոպոլում, որտեղ վառելիքի դեֆիցիտը հանգեցրել է քաղաքացիներին դրա վաճառքի ժամանակավոր լիակատար արգելքի, իսկ մեկ այլ ժամանակ՝ սահմանափակ քանակությամբ և QR-կոդերով ու կտրոններով վաճառքի, կա վառելիքի պաշար՝ «մի քանի օրվա համար», պատմել է Պուտինը։ Մատակարարումները «թե՛ ցամաքով, թե՛ ծովով» կավելացվեն, խոստացել է նա՝ առանց հստակեցնելու, թե ինչպես է դա արվելու՝ հաշվի առնելով բենզատարների վրա կանոնավոր հարձակումները, Ղրիմի կամրջով ցիստերնների շարժի արգելքը և Կերչի նեղուցում լաստանավերի սահմանափակ թողունակությունը։
«Բայց ամբողջությամբ վերցրած Ռուսաստանում բոլոր վնասված էներգետիկ օբյեկտները բավականին արագ վերականգնվում են, ամեն ինչ աշխատում է ամրության մեծ պաշարով»,— հայտարարել է Պուտինը, սակայն կոնկրետ ժամկետներ չի նշել։