Իսրայել-Լիբանան շրջանակային համաձայնագիրը նախատեսում է իսրայելական զորքերի աստիճանական դուրսբերում Լիբանանից։
Այս մասին ասվում է համաձայնագրի տեքստում, որը հունիսի 26-ին Վաշինգտոնում ստորագրվել է ԱՄՆ-ի, Իսրայելի և Լիբանանի ներկայացուցիչների կողմից։
Փաստաթուղթը նախատեսում է հակամարտության ավարտ, Լիբանանի կողմից իր ամբողջ տարածքի նկատմամբ լիակատար ինքնիշխան վերահսկողության վերականգնում, ինչպես նաև ոչ պետական զինված խմբավորումների զինաթափում և դրանց հետ կապված ենթակառուցվածքների ապամոնտաժում։ Այս պայմանների բավարարումից հետո իսրայելական ուժերը փուլ առ փուլ դուրս կգան երկրից։
Գործընթացի մանրամասները, ներառյալ անվտանգության միջոցառումները և մոնիթորինգի մեխանիզմները, կներկայացվեն ԱՄՆ աջակցությամբ պատրաստված առանձին հավելվածում։
Համաձայնագիրը նաև նախատեսում է իսրայելական ուժերի կողմից ներկայումս պահվող երկու տարածքների վերահսկողության փոխանցումը Լիբանանի իշխանություններին։ Դրանց ճշգրիտ գտնվելու վայրերը չեն բացահայտվում։