Կիևի քաղաքապետ Վիտալի Կլիչկոն հայտարարել է, որ Կիևի վրա ռուսական հարձակման հետևանքով վիրավորվել է երկու մարդ։
«Ներկայումս մայրաքաղաքում կա երկու վիրավոր։ Երկուսին էլ բուժօգնություն են ցուցաբերել բժիշկները տեղում», – գրել է նա Telegram-ում։
Կլիչկոն նախկինում հայտնել էր, որ ռուսական հրթիռի բեկորները ընկել են Դարնիցկիի շրջանի բաց տարածքում։ Այնտեղ նաև հրդեհ է բռնկվել պահեստում։
Խարկովի մարզում տեղի ունեցած հարձակման հետևանքով երկու մարդ զոհվել է, չորսը՝ վիրավորվել։
Ուկրաինայի արտակարգ իրավիճակների պետական ծառայությունը հայտնել է, որ ռուսական ուժերը ավիահարվածներ են հասցրել Խարկովի մարզի Վելիկի Բուրլուկ գյուղի ծայրամասում գտնվող բնակելի շենքերին։
Հարձակման հետևանքով հրդեհ է բռնկվել և վնասվել է 150 քառակուսի մետր մակերեսով մասնավոր տուն։ Փրկարարները հայտնել են, որ վնասվել են ևս վեց մասնավոր տներ։