«Հետընտրական փուլի ամեն օրը կարևոր է քաղաքական զարգացումների տեսանկունից և մինչև ընդդիմադիր ուժերը փորձում են ընդհանուր պայքարի հարթակ ձևավորել՝ իշխանությունն օգտագործելով պետական իշխանության բոլոր ռեսուրսները, փորձում է այդ գործընթացները կամ պասիվացնել, կամ խաղից հանել հնարավոր այն բոլոր գործիչներին, որոնք կարող են ընդհանուր պրոցեսի մասը դառնալ»,- լրագրողների հետ զրույցում ասել է ԱԺ «Պատիվ ունեմ» խմբակցության քարտուղար Տիգրան Աբրահամյանը՝ խոսելով հետընտրական շրջանում ընդդիմադիր գործիչների հետախուզումներից և ձերբակալումներից։ «Որքան ընդդիմությունը հապաղի ակտիվ գործողությունների առումով, այնքան իշխանության մոտեցումները դառնալու են շատ ավելի ագրեսիվ և դրանց դրսևորումներից է լինելու տարբեր անձանց կալանավորումները»,- հավելեց ընդդիմադիր գործիչը։