Հավաքական անվտանգության պայմանագրի կազմակերպության (ՀԱՊԿ) բարձրագույն ղեկավարությունը մոտ ապագայում մանրամասն քննարկման առարկա կդարձնի Հայաստանի՝ կազմակերպությանը հետագա անդամակցության հեռանկարը։ Այս մասին Սանկտ Պետերբուրգի միջազգային իրավական ֆորումի շրջանակներում հայտարարել է ՀԱՊԿ մշտական խորհրդի գործող նախագահ Վիկտոր Վասիլևը։
«Բնականաբար, ՀԱՊԿ-ին Հայաստանի հետագա անդամակցության հարցը նույնպես կդառնա բարձրագույն ղեկավարության ամենամանրամասն ուշադրության և քննարկման առարկան»,- ընդգծել է Վասիլևը՝ ակնարկելով, որ կազմակերպությունում սպասում են Երևանի հետագա քայլերին։