Բրազիլիայում հաքերները կոտրել են արտակարգ ծանուցումների համակարգը և միլիոնավոր քաղաքացիների ուղարկել հաղորդագրություններ այլմոլորակայինների ներխուժման մասին։
Միջադեպի մասին պատմել է երկրի Քաղաքացիական պաշտպանության հարցերով քարտուղար Վոլնեյ Վոլֆը։
«Սա ամենևին առաջին դեպքը չէ, երբ պետական մարմինների համակարգերը ենթարկվում են կիբերհանցագործների հարձակումներին։ Ցավոք, կան մարդիկ, որոնք գիտակցաբար փորձում են վնաս հասցնել երկրին»,- հայտարարել է Վոլնեյ Վոլֆը։
Դեպքը լայն քննարկումների առիթ է դարձել սոցիալական ցանցերում, իսկ քաղաքային և նահանգային իշխանությունները շտապել են հայտարարել, որ հաղորդագրությունները որևէ իրական սպառնալիքի հետ կապված չեն։
Բրազիլիայի իշխանությունները միջադեպի վերաբերյալ հետաքննություն կանցկացնեն Դաշնային ոստիկանության մասնակցությամբ։