Վերջին երեք շաբաթվա ընթացքում Վրաստանում կորոնավիրուսով վարակման մի քանի դեպք է հայտնաբերվել, հայտնել է Իաշվիլիի անվան կենտրոնական մանկական հիվանդանոցի տնօրեն Իվանե Չխեիձեն։
Նրա խոսքով՝ թվերը մնում են ցածր, բայց հաստատում են COVID-19-ի շարունակական շրջանառությունը երկրում։
Չխեիձեն նշել է, որ Վրաստանում ներկայումս գերակշռում են վիրուսները, որոնք առաջացնում են հիվանդության թեթև ձևեր և, ընդհանուր առմամբ, չեն հանգեցնում բարդությունների: Վիրուսային վարակների պատճառով նաև աստիճանաբար նվազել է հոսպիտալացումների թիվը: