Ուկրաինան ակնկալում է Բրազիլիայի նախագահի միջնորդությունը Մոսկվայի հետ բանակցություններում. ԶԼՄ

Ուկրաինան ցանկանում է Բրազիլիայի նախագահ Լուիս Ինասիու Լուլա դա Սիլվային ներգրավել որպես միջնորդ Ռուսաստանի հետ բանակցային գործընթացում՝ հույս ունենալով, որ նա կհամոզի Վլադիմիր Պուտինին անձամբ մասնակցել երկխոսությանը և հանդիպել Ուկրաինայի ղեկավարության հետ։

Ինչպես հայտնում է ICL Notícias-ը, Կիևի այս նախաձեռնությունը պայմանավորված է Մոսկվայի հետ երկխոսության ուղիղ կապուղիներ հաստատելու Ուկրաինայի անկարողությամբ։

Ըստ ICL Notícias-ի՝ Բրազիլիան, որը 2024 թվականին Չինաստանի հետ համատեղ առաջարկել էր հակամարտության կարգավորման վեցակետանոց խաղաղության ծրագիր, շարունակում է հանդես գալ դիվանագիտական հանգուցալուծման օգտին։

Կրեմլն իր հերթին պնդում է, որ պատրաստ է բանակցությունների և նույնիսկ պատրաստ է ընդունել Զելենսկուն Մոսկվայում, եթե վերջինս պատրաստ լինի անձնական հանդիպման։