Անօդաչու թռչող սարքերի հարձակումից հետո Մոսկվայի օդանավակայաններում իրավիճակը կաթվածահար է։ Ռուսաստանի ավիացիոն ծառայությունը (РосАвиация) հայտնել է, որ «Շերեմետևո», «Վնուկովո», «Դոմոդեդովո» և «Ժուկովսկի» օդանավակայանները ժամանակավորապես դադարեցրել են ինքնաթիռների ընդունումն ու ուղարկումը։
Հարձակման հետևանքով ավելի քան հարյուր չվերթ հետաձգվել է։ Ըստ լրատվամիջոցների՝ իրավիճակը հատկապես լարված է «Շերեմետևո»-ում, որտեղ հետաձգվել է մոտ 65 չվերթ, «Վնուկովո»-ում՝ 63, իսկ «Դոմոդեդովո»-ում՝ 48 չվերթ։ Ուղևորներին խորհուրդ է տրվում հետևել չվերթների չվացուցակներին և կապ հաստատել ավիաընկերությունների հետ։