Վերսալի պալատում Ֆրանսիայի և ԱՄՆ նախագահներ Էմանուել Մակրոնի և Դոնալդ Թրամփի համար կազմակերպված գալա ընթրիքը սկսվել է երեք ժամ ուշացումով՝ ամերիկացի առաջնորդի Էվիան-լե-Բենից Փարիզ ուշ ժամանելու պատճառով, որտեղ նա մասնակցում էր «Յոթի խմբի» (G7) գագաթնաժողովին։
Օրլի օդանավակայանի տեղեկատվական տախտակի համաձայն՝ Թրամփի ժամանման սպասման պատճառով հետաձգվել են նախատեսված չվերթները։ Ավելին, փակվել է օդանավակայանից Վերսալ տանող մայրուղին։
Պալատում Թրամփին դիմավորել են Մակրոնը և նրա կինը՝ Բրիջիթը։ Ընթրիքի ճաշացանկում ներառված են եղել խոզի մսեր, Լուարայի հովտի սպարժ, բուրբոնեզ հավ, Ֆրանսիայի տարբեր շրջանների պանիրներ և շոկոլադե տորթ։
Ընթրիքի կազմակերպիչները չեն հայտարարել, թե արդյոք մատուցվելու են ֆրանսիական գինիներ։ Թրամփը հայտնի է նրանով, որ չի օգտագործում ալկոհոլ՝ նախընտրելով Coca-Cola-ն։