Ռուսաստանի Կրասնոդարի երկրամասում անօդաչու թռչող սարքերը հարձակվել են նավթամբարի վրա՝ հրդեհ առաջացնելով և փակելով Պոլտավսկայա և Տրուդոբելիկովսկի գյուղերի միջև ընկած մայրուղին։
«Կրասնոարմեյսկի շրջանի Պոլտավսկայա գյուղի նավթամբարում հրդեհ է բռնկվել անօդաչու թռչող սարքի բեկորների ընկնելու պատճառով», – հայտնել է տարածաշրջանային աշխատանքային խումբը։
Հաղորդվել է, որ հրդեհի մարմանը մասնակցել է 32 մարդ և յոթ միավոր տեխնիկա։
Պոլտավսկայայի նավթամբարը ծառայում է որպես միջանկյալ օղակ «Լուկոյլի» նավթավերամշակման գործարանների և բենզալցակայանների ցանցերի միջև։ Նավթամբարը պարունակում է վառելիքի և նավթամթերքի 28 պահեստային բաք։