Իրանի նախագահ Մասուդ Փեզեշկքանը հաստատել է, որ ԱՄՆ-ի հետ համաձայնագիրը կստորագրվի հունիսի 19-ին, հայտնել է Mehr լրատվական գործակալությունը։
«Համակարգված գործողություններից հետո որոշվել է, որ այս փաստաթուղթը կստորագրվի ուրբաթ օրը», – լրագրողներին ասել է նա։
Իրանի նախագահը նշել է, որ չնայած ռազմական հակամարտությանը, երկրի ղեկավարությանը հաջողվել է պահպանել կառավարումը՝ «շնորհիվ նահանգապետերի և շրջանների ղեկավարների կողմից ձեռնարկված միջոցառումների և աշխատանքի»։
«Բոլորն օգնել են։ Մինչ թշնամին սպասում էր, որ երկիրը կփլուզվի պատերազմի ժամանակ՝ շուկաների, պետական մարմինների և վարչական համակարգի անկազմակերպ լինելու պատճառով, դա տեղի չի ունեցել. իրավիճակը վերահսկողության տակ էր», – ընդգծել է Փեզեշքիանը։
Ավելի վաղ Պակիստանի վարչապետ Շահբազ Շարիֆը հայտարարել էր, որ ԱՄՆ-ն և Իրանը համաձայնության են եկել ռազմական գործողությունների դադարեցման վերաբերյալ, և որ կողմերը հունիսի 19-ին Շվեյցարիայում կստորագրեն փոխըմբռնման հուշագիր։
Իր հերթին, ԱՄՆ նախագահ Դոնալդ Թրամփը հայտարարել էր, որ Իրանի նկատմամբ ամերիկյան ծովային շրջափակումը վերանում է, և Հորմուզի նեղուցով նավագնացությունը վերսկսվում է: Ամերիկացի նախագահի խոսքով՝ Իրանը դրա համար մաքսատուրքեր չի սահմանի:
