Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իրկուտսկի մարզում կործանված Ту-22М3 գերձայնային ռմբակոծիչի անձնակազմը հասցրել է կատապուլտացվել։ Այդ մասին հայտնել է Ռուսաստանի պաշտպանության նախարարությունը։
Գերատեսչության տվյալներով՝ օդաչուների կյանքին և առողջությանը վտանգ չի սպառնում։ Ինքնաթիռում եղել են նավի հրամանատարը, նրա օգնականը, շտուրման-նավիգատորը և շտուրման-օպերատորը։
Նշվում է նաև, որ գետնի վրա ավերածություններ չեն արձանագրվել։
Ավելի վաղ հաղորդվել էր, որ խորհրդային արտադրության Ту-22М3 ինքնաթիռը կործանվել է Իրկուտսկի մարզի Սվիրսկ բնակավայրի մոտ։ Նախնական տվյալներով՝ պատճառը եղել է շարժիչների խափանումը։ ՊՆ-ի տեղեկությամբ՝ թռիչքն իրականացվում էր առանց մարտական բեռի։
Հետևեք մեզ՝ այստեղ