Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Սանկտ Պետերբուրգում ողբերգական դեպք է տեղի ունեցել․ Ֆինլանդական ծոցում լողալիս մահացել է 13-ամյա աղջիկ։ Այս մասին հայտնել է Ռուսաստանի Քննչական կոմիտեի տարածաշրջանային վարչությունը։
Նախնական տվյալներով՝ դեռահասը ընկերների հետ հանգստանում էր լողափում։ Որոշ ժամանակ անց նա միայնակ մտել է ջուրը լողալու, սակայն անհետացել է տեսադաշտից։
Ավելի ուշ աղջկա մարմինը Ֆինլանդական ծոցում հայտնաբերել են ձկնորսները։ Դեպքի առթիվ հարուցվել է քրեական գործ։
Քննիչներն այժմ պարզում են ողբերգության բոլոր հանգամանքները, ինչպես նաև դեռահասի մահվան ճշգրիտ պատճառները։
Հիշեցնենք, որ ավելի վաղ նմանատիպ ողբերգություն էր տեղի ունեցել նաև Վորոնեժի մարզում, որտեղ 17-ամյա դեռահասը մահացել էր լիճը կատամարանից ցատկելուց հետո։ Ըստ քննության տվյալների՝ մի խումբ երիտասարդներ վարձակալել էին ջրային տրանսպորտային միջոց և դուրս եկել լիճ։ Սուզումներից մեկի ընթացքում դեռահասը չի կարողացել դուրս գալ ջրից և անհետացել է։
Չնայած ականատեսների և շտապօգնության աշխատակիցների ջանքերին, նրա կյանքը փրկել չի հաջողվել։ Հետաքննության ընթացքում նաև պարզվել է, որ կատամարանը շահագործվել է առանց անհրաժեշտ թույլտվությունների, իսկ դեռահասներին փրկարարական բաճկոններ չեն տրամադրվել։