Մեծ Բրիտանիայի վարչապետ Քիր Սթարմերը շաբաթ օրը հեռախոսազրույց է ունեցել ԱՄՆ նախագահ Դոնալդ Թրամփի հետ՝ քննարկելով Իրանի հետ հակամարտությունը դադարեցնելու ուղղությամբ նրա գործադրած ջանքերը։ Այս մասին հայտնել է Մեծ Բրիտանիայի վարչապետի գրասենյակը։
Սթարմերը ընդգծել է, որ ցանկացած համաձայնություն պետք է ապահովի «կայուն և երկարատև խաղաղություն»։
Բրիտանական կառավարության ղեկավարը նաև հայտարարել է, որ Միացյալ Թագավորությունը պատրաստ է աջակցել հնարավոր խաղաղության համաձայնագրի իրագործմանը և համագործակցել միջազգային գործընկերների հետ՝ դրա հաջողությունն ապահովելու համար։
Դաունինգ Սթրիթի ներկայացուցչի խոսքով՝ երկու առաջնորդները պայմանավորվել են շարունակել կապի մեջ մնալ հաջորդ շաբաթ կայանալիք «Մեծ յոթնյակի» (G7) գագաթնաժողովից առաջ։