Այս մասին հայտարարել է Հայաստանում Ռուսաստանի դեսպան Սերգեյ Կոպիրկինը Ռուսաստանի օրվան նվիրված ընդունելության ժամանակ։
«Միևնույն ժամանակ, ակնհայտ է, որ մեր հարաբերությունները հասել են վերանայման և փոփոխվող համաշխարհային և տարածաշրջանային իրողություններին հարմարվելու փուլի։ Մոսկվան լիովին պատրաստ է նման համատեղ աշխատանք իրականացնել կառուցողական և փոխշահավետ ձևով՝ հիմնվելով առկա երկկողմ մեխանիզմների վրա», – ասել է նա։
Դիվանագետը ընդգծել է, որ ռուսական կողմը երբեք կասկածի տակ չի դրել և չի դնում Հայաստանի Հանրապետության ինքնիշխան արտաքին քաղաքականություն վարելու անվիճելի իրավունքը։
«Մենք հույս ունենք, որ Երևանի փոխգործակցությունը մյուս գործընկերների հետ չի վնասի մեր երկկողմ կապերին և ուղղված չի լինի Ռուսաստանի դեմ», – հավելել է Կոպիրկինը։
Դիվանագետը հիշեցրել է նաև համատեղ պատմական անցյալը, առաջին հերթին՝ Երկրորդ համաշխարհային պատերազմի ժամանակ նացիզմի դեմ տարած հաղթանակը։