Ներշնչված Աստծուց

13.06.2026 | 00:06

Այժմ սկսել ես լեռն ի վեր բարձրանալու դժվարին գործընթացը: Թեպետ անհարթ ու ցից աստիճաններ են քեզ վեր տանում, բայց ուրիշներին օգնելու քո ուժը իրոք հրաշալի կլինի:

Դու միայնակ չես բարձրանա: Բոլոր նրանք, որոնց այժմ ուղարկում ես քո ջերմ ու սիրալիր մտածումները, վեր պիտի բարձրանան ու առաջնորդվեն քո կողմից:

Երբ շարունակ Ինձ նայես, քո բոլոր մտածումները կներշնչվեն Աստծուց:

Գործադրիր դրանք, և դու արդեն առաջնորդված կլինես Աստծուց:

Դրանք քո անձնական, բնածին մտածումները չեն, այլ ներշնչված են Իմ Հոգու կողմից. ուրեմն երբ հնազանդվում ես դրանց, քո աղոթքներն արդեն իսկ պատասխան են ստանում;

Սիրիր և ապավինիր:

Երբ քո մեջ չի մնա այլևս ոչ մի անազնիվ մտածում, այն ժամանակ Ես կկարողանամ գործել արդեն Իմ ամբողջ Հոգով:

Իսկ երբ Իմ Հոգին է գործում, ոչ մի ուժ չի կարող նրան արգելք լինել:

Մեկնաբանություններ