ՄԱՀԱԶԴ
Տէր եւ տիկին Վարուժան Ճէրէճեան
Տիկին Վարդուհի Ճէրէճեան-Նասիֆ եւ զաւակունք
եւ համայն ազգականներ կը գուժեն իրենց քրոջ եւ հարազատին`
ԴՈԿՏ. ՍՈՆԱ ՃԷՐԷՃԵԱՆԻ
մահը, որ պատահեցաւ հինգշաբթի, 11 յունիս 2026-ին, Ազունիէի Ազգային բուժարանին մէջ:
Յուղարկաւորութեան արարողութիւնը կատարուեցաւ հինգշաբթի, 11 յունիս 2026-ին, Նոր Մարաշի Սրբոց Քառասնից Մանկանց եկեղեցւոյ մէջ, ուրկէ հանգուցեալին մարմինը փոխադրուեցաւ Պուրճ Համուտի Ազգային գերեզմանատունը:
Ներկայս ընդունիլ իբրեւ մահազդ:
Ցաւակցութիւն յայտնելու համար հեռաձայնել 71/612975 թիւին:
————————————–
ՍԱՐԿԱՒԱԳԱԿԱՆ ՁԵՌՆԱԴՐՈՒԹԻՒՆ`
ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ
Օրհնութեամբ`
ՆՍՕՏՏ ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ
Կիրակի, 14 յունիս 2026-ին, մայրավանքի Սուրբ Գրիգոր Լուսաւորիչ մայր տաճարին մէջ, սուրբ եւ անմահ պատարագի ընթացքին, երեք կիսասարկաւագ դպրեվանեցիներ`
ՅՈՎՍԷՓ ԿԻՍԱՍԱՐԿԱՒԱԳ ԳԱԼԸՊՃԵԱՆ
ՍԱՐԳԻՍ ԿԻՍԱՍԱՐԿԱՒԱԳ ՆԱՀԱՊԵՏԵԱՆ
ՅՈՎՀԱՆՆԷՍ ԿԻՍԱՍԱՐԿԱՒԱԳ ՍԱՂԻՐԵԱՆ
պիտի ստանան եկեղեցւոյ նուիրապետական առաջին կարգը` սարկաւագութիւնը:
Ձեռնադրութիւնը պիտի կատարէ`
ԳԵՐՇ. Տ. ՇԱՀԱՆ ԱՐՔ. ՍԱՐԳԻՍԵԱՆ
Տեսուչ կաթողիկոսարանի «Կիլիկիա» մատենադարանի
Սկիզբ սուրբ պատարագի` ժամը 9:30-ին
Ձեռնադրութիւն` ժամը 10:00-ին
Քարոզ` ժամը 11:00-ին
Կոչ կ՛ուղղենք մեր ժողովուրդի զաւակներուն մասնակցելու այս հոգեպարար արարողութեան եւ աղօթակից դառնալու մեր դպրեվանքի ընծայեալներուն, որպէսզի անոնք իրենց աստուածահաճոյ առաքելութեան մէջ մնան հաստատ եւ ամուր քայլերով ընթանան «դէպի աղբիւրը Լոյսին»:
ԴԻՒԱՆ ԿԱԹՈՂԻԿՈՍԱՐԱՆԻ
————————————–
ՀՈԳԵՀԱՆԳԻՍՏ
ԱՐՇՕ ԼՈՒՍԻՆ ՔԱՀՔԷՃԵԱՆի (ծնեալ` ՄՈՒՐԱՏԵԱՆ) մահուան քառասունքին առիթով հոգեհանգստեան պաշտօն պիտի կատարուի կիրակի, 14 յունիս 2026-ին, Նոր Մարաշի Սրբոց Քառասնից Մանկանց եկեղեցւոյ մէջ, յաւարտ Ս. պատարագի: